Sida Manuk belajar terbai ari Menaul

Lemai hari, sida manuk tegal ti nadai pengawa alu bekerais ka tanah begiga ka belut ke dempa. Dalam sida ti ngaga pengawa nya, tepeda meh tah manuk siku tadi deh ba langit biru siku menaul. Dia sida alu ranggap-ranggap meda penau menaul terbai din di langit. Tenguk meh ati sida ka belajar terbai baka tah menaul.





Manuk A alu bejaku:"Apu neh, uji tak ulih terbai kitai..rindu endar pelaba aku."
Manuk B pen setuju:"Amat nya kih, baka ni enda gamal menua dipalik ari atas nyin kini?"

Dia meh sida manuk bukai pen nyau ngemansut ka angan sida ti bukai. Paduhal nyau sebala meh sida tu ti ka ngembuan penemu terbai.

Baum meh sida manuk tu tadi. Nyau ngemandak ka jerita tu, sida pen bela setuju nganggau Menaul ngajar sida cara kena terbai.

Tuai Manuk:"Tuan Menaul, tak rindu meh kami meda nuan tak baka gudi neh terbai mansa remang. Ulih nuan tuan turun ngagai kami di tanah ditu dulu?"

Menaul;"Ui, auk..ulih. Tang nama pengawa kita bekanggau ka aku tu deh?"

Udah Menaul terengkah ba tanah, dia Tuai Manuk alu nyerita ngagai Menaul tegal pengingin ati sida ya ti ka minta ajar terbai.

Tuai Manuk:"Pia meh Tuan, kati setuju nuan ngajar kami?"

Menaul:"Owh..nadai tusah nya. Lemai tu ulih meh aku."

Tuai Manuk:"Bah, diatu meh. Ditu tau meh jangka ku nuan nunjuk cara ya."

Menaul:"Enda ulih ditu tuai. Kin kitai, nuju Bukit Jangkau kia kitai."

Dia meh sida manuk alu bejalai sama-sama nuju Bukit Jangkau din. Pama penyauh alai nyau, tah Menaul nama meh agi, ga ya nemu terbai deh, enda entu tak lelak baka sida manuk.

Datai meh sida sebuat ba tuchung Bukit Jangkau. Menaul tu tadi nang udah datai dia tumu agi ari sida. Dia Menaul tadi alu ngajar ngagai sida cara-cara terbai alu. Nya baru 'theory' ke dipelajar sida, Menaul pen alu terus ngasuh sida dalam 'Practical'. Diasuh Menaul ngerembai ka sayap meh siku-siku sida tu alu terjun meh siku-siku ari tuchung bukit nya.

Nama penyadi sida?
Alu ulih terbai magang sida, bisi ke tuchum tegal ti rindu, bisi nya nyabak gaga. Pun-pun agi rawan ati, tang nyau makin lama nyau majak landik sida. Alah bala sida burung Achang,burung Lelayang, Burung Ensing.

Nyau majak lemai, nyau majak petang hari. Udah puas ke terbai alu begelumu baru sida ba atas palan di Bukit Jangkau tadi. Siku-siku enggau gaga ati, nabi Menaul meri basa enggau terima kasih. Udah sida meri 'lovegift enggau cenderamata' ngagai Menaul, mupuk meh Menaul pulai ke rumah.

Udah tembu pengawa ti belajar terbai ba Bukit Jangkau nya, alu pulai meh sida manuk tu tadi BEJALAI baru nurun Bukit Jangkau nengah jalai sida datai tadi.

The ENd.

Is something wrong with this story?
The Chickens LEARNT a new knowledge,a new skill from the Eagle. However, soon after acquiring the knowledge..they didn't use that particular skill.

Bersusah-payah daki bukit itu,punyalah jauh perjalanan.Sampai di puncak, diajar si Helang hikmat untuk terbang. Berjaya membuktikan pada diri yang mereka dapat terbang. Tetapi selesai sahaja sesi pembelajaran, balik pula berjalan kaki. Kenapalah tak terbang saja pulang??

The same goes to us, human in general and Christian specifically.
We want to learn a new skill or knowledge. Yet after acquiring it, we didn't use it.

Don't just be a listener but be a DOER!


Tikai Bemban: Auk lah sida Manok ya. Menaul ya Cikgu/Lecturer atau Father/Pastor?